Qohumların smartfonlarını SmartThings Find a necə əlavə etmək olar?
"SmartThings Find" funksiyası sizə nəinki cihazlarınızı itirməməyə, həm də uşaqlarınızın və qohumlarınızın harada olduğundan xəbərdar olmağa kömək edəcək.
"SmartThings"ə daha bir üzv dəvət edərək, "SmartThings Find"da cihazınızın məkanını onunla paylaşa və digər üzvlərin məkanına baxa bilərsiniz.
Vacibdir!
Qohumunuzun smartfonunu "SmartThings Find"a əlavə etmək üçün hər ikinizdə "Samsung Galaxy" smartfonu olmalıdır.
Digər istehsalçıların cihazları "SmartThings Find" funksiyasını dəstəkləmir.
Üzvü necə dəvət etmək olar?
Başqasının cihazını "SmartThings Find"a əlavə etmək üçün iki smartfonda müəyyən tənzimləmələr aparmaq lazımdır: öz smartfonunuzda və dəvət etmək istədiyiniz şəxsin smartfonunda.
Əvvəlcə, öz smartfonunuzda aşağıdakı addımları yerinə yetirin:
Addım 1. "SmartThings" tətbiqini açın və məkanın adına toxunun.
Addım 2. "Məkanları idarə et" bölməsini açın.
Addım 3. Digər üzvə giriş icazəsi veriləcək məkanın adına toxunun.
Addım 4. "Üzv dəvət et" seçimini edin.
Addım 5. Üzvü dəvət etmək üçün istifadə oluna biləcək üsullardan birinə toxunun. Məsələn, "QR koddan istifadə edin".
Digər üzvün smartfonunda aşağıdakı addımları yerinə yetirin:
Addım 1. "SmartThings" tətbiqini açın və məkanın adına toxunun.
Addım 2. "Məkanları idarə et" bölməsini açın.
Addım 3. "QR kodu skanla" seçiminə toxunun.
Addım 4. Kameranı QR koda tuşlayın.
Hazırdır! İndi bu cihazdan lazımi məkana giriş imkanı var.
Qeyd.
Dəvəti e-poçt və ya keçid vasitəsilə göndərmisinizsə, yeni üzvün sadəcə dəvəti açması və "Qoşul" seçiminə toxunması kifayətdir.
Sonra hər iki smartfonda aşağıdakı addımları yerinə yetirin:
Addım 1. "Həyat" bölməsinə keçin və "SmartThings Find" kartına toxunun.
Addım 2. "Bu telefon" cihazı üçün "Daha ətraflı" seçiminə toxunun.
Addım 3. "Məkan paylaşımı" nı vurun.
Addım 4. "Məkan məlumatlarına giriş" funksiyasını aktivləşdirin.
Addım 5. "Paylaş" düyməsinə toxunun. İndi bu smartfonun məkanı məkanın digər üzvünə də görünəcək.
Qeyd.
- Əgər əvvəllər "SmartThings Find" xidmətindən istifadə etməmisinizsə, xidmətin yüklənməsini gözləyin. Bu, bir neçə dəqiqə çəkə bilər.
- Əgər "Həyat" bölməsində "SmartThings Find" kartı yoxdursa, ekranın yuxarı sağ küncündəki "+" (üstəgəl) işarəsinə toxunun və "SmartThings Find" seçimini edin. Yüklənmənin bitməsini gözləyin, kart "Həyat" bölməsində görünəcək.
Üzvün məkanına necə baxmaq olar?
Addım 1. "Həyat" bölməsinə keçin və "SmartThings Find" kartına toxunun.
Addım 2. "Cihazlarım" sahəsi olacaq ─ ona toxunun.
Addım 3. "Üzvlərin cihazları" seçimini edin.
Addım 4. Ekrandakı xəritədə digər üzvün cihazının məkanı göstəriləcək.
Qeyd.
Üzv əlavə etmisinizsə və o, məkan məlumatlarına girişi aktivləşdiribsə, lakin sizin cihazınızda cihaz seçimi tənzimləməsi yoxdursa, "SmartThings"də hansı məkanın seçildiyini yoxlayın. "SmartThings"də hər bir məkanın ("Ev", "Qonaq otağı" və s.) "SmartThings Find" üçün öz tənzimləmələri var.
Məsələn, əgər siz "Ev" məkanına giriş icazəsi vermisinizsə və sonra "Qonaq otağı" məkanını seçmisinizsə, əlavə edilmiş üzvün cihazı "SmartThings Find"da görünməyəcək. Məkanı yenidən "Ev" olaraq dəyişin və "SmartThings Find"a daxil olun ─ cihaz görünəcək.
"SmartThings Find" funksiyası yaxın insanlara əlaqədə qalmağa və bir-birinin cihazlarının məkanını izləməyə kömək edir. Qohumunuzun smartfonunu əlavə etmək üçün onu "SmartThings" tətbiqində QR kod vasitəsilə dəvət etmək kifayətdir, bundan sonra hər iki istifadəçi "SmartThings Find" tənzimləmələrində məkan məlumatlarına girişi aktivləşdirməlidir. Bundan sonra "Digər cihazlar" bölməsində bütün üzvlərin cihazlarının məkanını görə və yaxınlarınızın təhlükəsizliyindən arxayın ola bilərsiniz.
Tövsiyələr "Samsung" şirkəti tərəfindən təqdim edilmiş və yoxlanılmışdır.
Şərhiniz üçün təşəkkür edirik!
Bütün sualları cavablandırın.